Ракометарките на Чаир во одложениот меч од 5. коло од Суперлигата без проблеми славеа на гостување во Штип каде триумфира со 26:42 над Астибо.
Без многу проблеми Чаир дојде до триумф уште во првиот дел, каде на полувреме резултатот беше 10:24 за госитнскиот тим, а во вториот дел формално и на рутина Чаир ја потврди големата победа.
Најефикасна ракометарка во таборот на Чаир беше Михаела Ангеловска со осум погодоци, а пак Биљана Дамчевска и Теодора Дукоска постигнаа по шест погодоци. Кај Астибо сосема очекувано најдобра беше искусната Марија Анчева, штипјанката постигна 11 погодоци.
Во следно коло Астибо е слободен, а потоа во рамки на осмата рунда штипскиот суперлигаш ќе гостува кај последнопласираната Стружанка, која и понатаму нема бодови во групата А.
ќе следува вистинска борба меѓу Астибо и Скопје за второто место кое води во плеј-офот, со оглед на тоа што таму фаворит за првото место и засега оди според планот е Чаир.
Александар Ванев, М-Нет