Фудбалерите еден по еден заминуваат од штипска Брегалница, па се отвара прашањето кои фудбалери ќе останат во дресот на второлигашот од Штип за следната сезона 2025/2026?
Клубот е пред превземање односно продажба на турски инвеститор, но фудбалерите не чекаат и бараат нови средини за продолжување на своите кариери.
Веќе од клубот замина голманот Дамјан Серафимов, како и браќата Димитриј и Стојан Попоски и Виктор Наумовски кои се нови играчи на Охрид, заминаа и Димитриј Дитириевски и Иван Глигоров, замина и Лука Георгиев кој е слободен играч и кариерата ќе ја продолжи во нова средина, а од Брегалница заминува и Стефан Бабунски, како и искусниот Зоран Даноски.
Според нашите информации понуди и разговори има и за Горан Томовски и Давид Стојков.
Ова значи дека речиси цел тим на Брегалница заминува, па новиот инветитор, новата управа и новиот стручен штаб ќе имаат многу работи да изградат тим за старт на сезоната.
Не е познати ниту кога Брегалница ќе ги започне подготовките, ниту пак каков ќе биде планот за подготовки и утврдување на распоредот за одигрување на пријателски натпревари.
Новата сезона започнува на 23 август, дел од второлигашите ги започнаа подготовките и го утврдија планот за одигрување на пријателски натпревари, а дел ќе ги започнат подготовките во следниот период, но во Брегалница засега не се знае ништо, барем се до официјалното превземање на клубот од страна на турскиот инвеститор.
Александар Ванев, М-Нет