Кратовскиот прволигаш Силекс го промовираше Ален Јашароски како најново засилување за новата сезона од Првата македонска фудбалска лига. Искусниот офанзивец по две години поминати во Воска Спорт ја промени средината и во новата сезона ќе престојува во Кратово каде ќе настапува за тимот на Силекс.
Јашароски со Воска Спорт ја освои Втората лига и со тоа охридскиот клуб за првпат во својата историја заигра во Првата македонска фудбалска лига.
32-годишникот во својата кариера покрај за Воска Спорт, има настапувано и за Скопје, Македонија ЃП, Ренова, Еуромилк ГЛ, Шкупи, Работнички, Хоризонт од Турново, Металург, а настапуваше и за екипата на Приштина од Косово.
Јашароски оваа сезона во дресот на Воска Спорт постигна осум погодоци, запиша три асистенции, одигра 27 натпревари и притоа помина на фудбалските терени 1232 минути.
Претходно, Силекс се засили со Илија Донов од Брегалница и со повратникот Дарко Додев.
Александар Ванев, М-Нет