Две лица од Кочани се приведени во рамки на полициска акција поврзана со сомнение за извршени повеќе тешки кражби на подрачјето на ОВР Кочани.
На 27 август 2026 година, полициски службеници од ОВР Кочани ги лишиле од слобода Д.С. (42) и В.З. (26), двајцата од Кочани, по претходно добиени оперативни сознанија дека се сторители на повеќе тешки кражби.
Со претходно издадена судска наредба, бил извршен претрес во нивните домови. При претресот биле пронајдени и одземени предмети за кои постои сомнение дека потекнуваат од кривично дело „тешка кражба“, предвидено и казниво по член 236 од Кривичниот законик.
Од полицијата информираат дека по целосното документирање на случајот ќе следуваат соодветни пријави.