Започнувајќи од петок до понеделник ќе се одиграат натпреварите во осминафиналето на Купот на Македонија во футсал. Познати се двојките кои ќе се борат за место во следната фаза, односно четвртфиналето.
Кратово, тим од Втора лига, на домашен терен ќе се сретне со прволигашот Железарец. Домаќинот веќе ги мобилизира своите навивачи кои ќе ја исполнат Градската сала во Кратово за поддршка од трибината.
Бутел ќе има тежок предизвик, бидејќи ќе се соочи со освојувачот на Купот, Форца, што го прави тимот на Форца фаворит во ова прволигашко соочување.
Партизан Југ од Брвеница ќе игра со Победа од Прилеп, што ќе биде дуел меѓу две екипи од Втора лига. Прволигашот Црна Река од Кавадарци ќе патува во Штип, каде ќе се сретне со Мал Ајакс, есенскиот шампион во Втора лига, и ќе биде фаворит во ова соочување.
Кораби ќе се соочи со прволигашот Шкупи на домашен терен, додека во прволигашки дуел ќе се сретнат тимовите на Јувентус Серава и Клими.
Во Крива Паланка, Осогово ќе игра дерби против Проект, што би можел да биде најнеизвесниот натпревар во осминафиналето, со оглед на силата на двата тима.
Балкан, тим со амбиции за влез во Прва лига, ќе се соочи со прволигашот Кеги Моби од Велес, во натпревар кој ветува интересен фудбалски спектакл.
Александар Ванев, М-Нет