Од утринава поголемите маркети во Штип се празнат со голема брзина. Скоро празни се рафтовите за основните прехранбени продукти.
Брашно и квасец – тоа се најбараните прехранбени производи за кои вработените велат дека очекуваат денес да добијат во продавниците. Доста купувана е и замрзнатата храна.
Паниката, иако е крајно непожелна во вакви вонредни услови на живот, се чини дека ги зафаќа штипјани. Средства за хигиена засега има доволно низ маркетите, цените на основните прехранбени производи за сега се стабилни, но во услови на зголемена потрошувачка која ја имаме деновиве, за очекување е цените да растат, сметаат економистите.
