Развижен, петочен, пазарен ден. Високи цени според купувачите, реални според продавачите, ама сепак побарувачка се адаптираше на пиперот и патлиџанот. Може би цените се високи, додаваат производителите, ама според временската ситуација, сушата и високите температури, ние сме среќни за произведеното, истакнаа тие.
“Имаме побарувачка, а цените се скапи на пиперот и патлиџанот, ама ова е реална цена. Имаме диња за 30 денари. Пипер со послаб квалитет има за 40 денари, додека лутата е 100 денари, зелката 40 денари, класјата 20 деанари, слива 60, грозје 60. Ајварскиот пипер е 70 деанри, а на пакет може да биде и друга цена. Модрите 20 денари парче или 40 денари на кило.“, велат продавачите
Цените се високи, а квалитеот е слаб, велат купувачите за денешниот пазарен ден. Според ниските примања, ова е нов удар за џебот на пензионерите, но и за останатите.
“Па те грозје, пипер, лукче. Па не е баш добар, затоа што едвај одбравме пипер. Дали од топлото време или од друго не знам, важно пиперот е овенат. Исто како што кажа колегата има некој работи се расипани, дека времето е многу жешко сега и самата клима е сменета. Цените се добри, ама пензиите се многу мали, со 13 000 денари што ќе си купиме?. Пиперот е веќе 100 денари, едно кило лук е веќе 400 денари и не мислам дека не треба да биде толку, туку да имаме треба и повисоки пензии.“ – изјавиа граѓаните
“80 денари, патлиџаните, пиперот и тој е скап. Зедов патлиџани, сакав и пипер, ама не е убав. Пипер, патлиџани, кромид, компири тие работи ги купуваме.“ – додаваат граѓаните
Овој петок покрај останатиот пипер, се продаваше и ајварскиот под цена од 70 денари, а доколку граѓаните имаат потреба од поголема количина, цената можеше да се прилагоди според примањата. Она што остана загрижувачки за купувачите е фактот за високите цени, но и слабата заинтересираност за производство од страна на младите.
Лаура Стојанова, М-Нет