Тројца млади спортисти загинаа во големата трагедија која се случи во дискотеката во Кочани. Македонскиот спорт остана без тројца млади играчи.
Македонскиот фудбал е завиен во црно, го загуби Андреј Лазаров, кој го носеше дресот на прволигашот Шкупи. 25-годишниот фудбалер во саботата го одигра последниот негов натпревар, на мечот против Пелистер на Чаир во игра влезе во 61. минута.
Фудбалерот од Кочани покрај за Шкупи, настапуваше и за хрватските екипи Горица и Рудеш, настапуваше и за Тиквеш, Работнички и Металург.
Клубовите од Македонија, но и од регионот, како и неговите колеги фудбалери се простуваат од Лазаров.
За жал во големата трагедија која се случи во Кочани, каде се запали дискотека, животот го загуби и 18-годишниот голман Дамјан Танески од Штип.
Во оваа огромна трагедија многу млади животи згаснаа, а Танески кој беше голман за жал е еден од нив. Низ својата млада кариера која доправа требаше да се развива и да го чува голот, настапуваше за Мал Ајакс од Штип, беше во младинските категории на скопски Вардар, потоа беше дел од Брегалница и Кит Го од Пехчево.
Во големата трагедија животот го загуби и младиот кошаркар Петар Ивановски, кој настапуваше за кошаркарскиот клуб Баскет Дино од Кочани, информација која ја потврди и самиот клуб.
Ивановски беше најдобар играч на М-14 турнирот, а својата кариера ја започнува на најмала возраст и важеше за голем талент пред кого доправа ќе се развиваше голема кариера.
Во големата трагедија во Кочани загинаа 59 лица, а голем број на лица се хоспитализирани, дел од нив и во странство.3
Александар Ванев, М-Нет