Со положување свежо цвеќе, одбележана 83 годишнина од бомбардирање на градот од германските окупатори

Денеска со положување свежо цвеќе пред спомен плочата кај Народниот театар се одбележаа 83 години од бомбардирањето на градот од германските окупатори. Шести април е важен историски ден кога градот бил нападнат од фашистичката воена авијација. Во далечната 1941 година биле оддржани демонстрации на територијата на цела бивша Југославија, вклучувајќи ја и Македонија. Идеите и замислите на Хитлер и неговите сојузници биле расипани за вклучување на Македонија и бивша Југославија во Тројниот пакт.

„ Денеска се собравме тука, пред спомен плочата на Народниот театар за да одбележиме 83 години од бомбардирањето на Штип. Бомбардиран од германскиот фашистички окупатор и неговите сојузници. Демонстрациите оддржани на 27 март 1941 година на територијата на цела бивша Југославија. А во тие рамки и на Македонија, ги расипале сите замисли и идеи на Хитлер и неговите сојузници за вклучување на бивша Југославија, а со тоа и на македонскиот народ во Тројниот пакт„ изјави Петар Мицевски

Без никакво предупредување и најава на 6 април 1941 година во раните утрински часови, додека месното население спиело, а други пак оделе на работа Германците го бомбардирале градот Штип , со тоа што во текот на денот успеале целосно да го окупираат. Со овој напад биле опустошени многу куќи меѓу кои и зградата на старата болница. При нападот 54 лица ги загубиле своите животи од кои 22 лица биле тешко ранети, а 10 се водат како исчезнати. Во текот на војната загинале две лица од Штип кои биле дел од бившата Југословенска војна.

„ Германското воздухопловство го изврши варварското бомбардирање на Штип од базата на царска Бугарија, без никакво предупредување на 6 април 1941 год во раните утрински часови, додека месното население се уште спиело а некои оделе на работа. Бомбардирањето е спорведено во два налета: Во првиот налет, германските сили што доаѓале од исток се спуштиле нисок над источниот дел над градот и коритото на реката Отиња , фрлајќи го својот смртоносен товар врз незаштитените населби.“

Војната завршила на 17 април 1941 година кога Германија конечно извршила окупација, капитулација, и поделба на Југославија. Секоја година овој ден се одбележува со положување свежо цвеќе.