Зелка, карфиол, брокула, праз, некоја вреќа останат ајварски пипер и јаболка можеа да се најдат на тезгите во градскиот пазар во Штип. Првиот пазарен петок од месец ноември и купувачите и продавачите го оценуваат како солиден. Цените за првите се пристојни, но не велат така и кога ќе се земат предвид примањата. Вината за повисоките цени на пазарите и во маркетите не ја гледаат кај земјоделците, туку во ниските пензии и плати.
Од пазарниот ден задоволни се и продавачите. Раздвиженоста и временските услови, секако, им одеа во прилог. Цените, според нив, се пристојни и ниски, ама велат дека луѓето имаат сѐ поплиток џеб.
На цените не се жалеа ниту продавачите, ниту купувачите, задоволни беа и од понудата. Освен основните производи за прехрана, најмногу купуваа зеленчуци за зимница.
Ребека Спасова М-Нет