Прв пазар во месец февруари, пензионерите зедоа пензија, па задоволни од побарувачката се речиси сите продавачи на пазарот во Штип. Велат дека и раздвиженоста е на задоволително ниво, а и денеска најмногу се бараше сезонското овошје и зелена салата. Цените на производите остануваат не променети овој период од годината, иако производството на јаболка на пример е намалено споредбено со лани.
„Од сабајле има движење доволно, има пензии. Кога има пензии, плата повеќе работеме луѓето пазаруваат и овошје и зеленчук. Овошјето кај нас повеќе се бара. Сезонско овошје имаме нон стоп увоз од Грција и Турција. Промена на цените оваа недела нема, освен лимионот кој е 60 денари, а претходно мекиот беше 50 денари за килограм.“ – велат продавачите.
За граѓаните и денеска пазарот е скап. Со пезнијата велат пари има колку за сметки за струја и вода, лекови, а потоа за пазар. Но, најосновното мора да се купи децидни се.
„Кој си има пари ќе си купе, кој нема пари нема да купи. “ – додаваат граѓаните.
Продавачите очекуваат до Прочка цените на дел од производите да се намалат, но децидни се дека се зависи од производството како и увозот на овошје.
Лаура Стојанова М-Нет