Изјавите на Министерот за транспорт и врски, Бочварски вчера во врска со новите патарини кои се очекуваат да се постават на автопатот Скопје – Штип, крена голема прашина во јавноста. Од неговата изјава „Доколку немате пари за патарини, возете по веќе постоечките регионални патишта“ револтираност се појави и кај граѓаните, па се правеа разни споредби по социјалните мрежи за тоа колку невкусно звучеше ова. Бидејќи во време на пандемија немаат сите можност да си дозволат да патуваат со плаќање на вака скапи цени за патарини. По биографијата на Бочварски која е веќе позната, јасно е зошто тој не може да разбере дека граѓаните немаат пари за скапите патарини, истакнуваат од ОК на ВМРО ДПМНЕ Штип.
„Повеќе од јасно е зошто Благој Бочварски не може да разбере дека граѓаните немаат пари да ги платат скапите патарини што планираат да ги постават на автопатот Штип – Скопје.
Неговата биографија ни го потврдува тоа!
Имено, конкретно додека истиот тој беше пратеник – патарините му ги плаќаа граѓаните, додека беше градоначалник повторно патарините беа на сметка на граѓаните, па истата „судбина“ го снајде и сега додека е министер.“ – беше дел од изјавата на ОК на ВМРО ДПМНЕ Штип.
Новите патарини кои се предвидени за поставување на автопатот Штип Скопје, ќе изнесуваат 160 денари во еден правец или 4 пати поскапо од сега. Впрочем, една патарина е предвидена кај Преод од 50 денари и уште една кај Кадрифаково од 70 денари. Па ако досега до Скопје се одело за 80 денари во двата правци сега ќе се оди за 320 денари.
Лаура Стојанова М-Нет