Нема лекарска грешка во лекувањето на родилката Станка од Струмица, кај која по породувањето, остана неподвижна. Како што инфомираат од Министерството за здравство,
Ова е заклучокот на Комисијата за надзор над стручната работа, која го заврши надзорот над лекувањето на пациентката во Општата болница во Струмица, Клиничката болница во Штип и Клиниката за неврологија во Скопје.
Петчлената комисија е составена од експерти по гинекологија, анестезиологија, неврологија, неврохирургија и радиологија, а во неа учествувале и двајца експерти од Србија и Словенија.
Според експертите, анестезијата е дадена во долниот дел на ’рбетот, а промената во ’рбетниот мозок е значително повисоко
По породувањето, пациентката била отпуштена без невролошки симптоми, кои се појавиле неколку дена подоцна.
„Анестезијата е дадена во долниот дел на ’рбетот, а промената во ’рбетниот мозок е значително повисоко. По породувањето пациентката е отпуштена без невролошки симптоми, кои се појавиле неколку дена подоцна. Најверојатна причина, според експертите, е спонтано крварење од ретка малформација на крвните садови.
Комисијата препорачува дополнителна дијагностика за конечно утврдување на причината и продолжување на рехабилитацијата.“, велат од министерството за здравство
Од Министерството за здравство информираат дека остануваат во контакт со пациентката и нејзиното семејство и дека ќе продолжат да ја поддржуваат во понатамошното лекување и рехабилитација.
Иван Митев, М-Нет