Зависноста од увоз во нашата државата е главниот виновник поради кои се зголемуваат цените на основните производи, но и на нафтените деривати. Немирите на Блискиот Исток ја заголемија цената на нафтата, и тоа неколкупати за само една недела. Според економистите ова е очекувано, бидејќи како држава сме зависни од увоз на нафта.
„Ние сме директни увозници на нафта и нафтени деривати. Покачувањата на светската берза на нафтените деривати ќе има реперкуси и кај нас. Доколку продолжат немирите на Блискиот Исток секако од психолошки аспект големите нафтени компании ги качуваат цените. Ние сме мала економија, која е увозно зависна и ќе има покачување на цените.“ – вели Ивановски.
Ивановски вели дека и пред порастот на цените на нафтата, кај нас растеа цените на основните производи, што значи дека и во иднина може да се очекува само зголемување на цените. Овде се и цените на градинарските поризводи, основните производи за живот, секако и нафтените деривати.
„Ние сме зависни од увоз на сѐ, ние немаме сопствен производ или бренд. И основните градинраски производи се од увоз. Токму затоа сме зависни од цените на светскиот пазар, не само кога станува збор за нафтените деривати.“ – додава Ивановски.
Ивановски е дециден дека цените на производите ќе расатат и во иднина без разлика на сите заложби кои се прават во државата за нивно стабилизирање.
Лаура Стојанова Ќирчов, М-Нет