Вечерва во спортскиот центар во Чардаклија се одигра вториот полуфинален натпревар во рамките на Меморијалот „Влатко Петров“. Во мошне интересен натпревар натпреварот Тас Комерц – Спиро заврши со резултат 1:3 така да во финалето на овој традиционален Меморијален турнир ќе се сретнат Драгеви ДООЕЛ – Спиро.
Организаторите се погрижија вечерва во Чардаклија да се одигра и ревијален натпревар во кој се сретнаа другарите на трагично загинатиот припадник на безбедносните сили на Македонија, Влатко Петров а тоа беа екипите на АРМ и на МВР.
Натпреварот колку за спомнување заврши со резултат 3:0 победа на АРМ, но многу поважно од се, е гестот кои го покажаа и организаторот на турнирот и секако играчите на теренот. За таа цел организаторите им доделија Благодарници на екипите на АРМ и на МВР како траен белег и почит кон нивниот ангажман и почест која ја искажаа кон трагично загинатиот им другар, Влатко Петров. Инаку финалето на овој веќе 21 Меморијален турнир ќе се одржи во понеделник 2 август на ден Илинден со почеток во 9. 00 часот а за првото место ќе се борат екипите на Спиро и на Драгеви ДООЕЛ по што ќе следи церемонијалот на доделување на награди на најдобрите екипи и поединци.
Драги Герасимов – Пушка Mnet.mk