Ковид ситуацијата во општините од истокот држи статус кво. Според извештајот од штипската болница во изминатото деноноќие новопримени се четири пациенти, дома заминал само еден. Со ова бројот на хоспитализирани е 51, од кои 50 на Инфективното и еден на Кожното одделение, но и девет лица на дневна амбуланта. Од хоспитализираните 38 имаат потреба од кислородна поддршкаи се приклучени на апарати за дишење, а вакцинирани се 17 лица. Во последните 24 часа нема починати лица во штипската болница, а слободни се 19 ковид кревети, десет на Инфективното и девет на Кожното одделение, информираше портпаролот на Клиничка болница Штип, Марина Шуманска.
Во Кочани откако се реактивише Интерното одделение како Ковид оддел во изминатото деноноќие е регистрирана една почината пациентка од Кочани на 77 годишна возраст која не била вакцинирана. Во последните 24 часа новопримени се две лица, испишани нема. Со ова бројот на хоспитализирани е 13 од кои 10 се вакцинирани, а тројца се на кислородна поддршка, информираат од болницата.
Во општините од Истокот моментално активни се 450 ковид случаи. Троцифрена е бројката во Кочани и Штип каде има по 147 корона пациенти, а во останатите општини од истокот бројката е двоцифрена.
Според информации од Министерството за здравство заклучно со вчера во земјата се направени вкупно 1.830.764 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 282.147, бројот на оздравени пациенти е 261.741, на починати е 8.658, а бројот на активни случаи изнесува 11.748.
Лаура Стојанова М-Нет