На Градскиот стадион во Радовиш во меч од 5. коло на Втората лига ќе се соочат Детонит Плачковица и Шкендија Арачиново во нивно прво меѓусебно соочување.
Радовишани ќе атакуваат на трета победа во новата сезона против тимот од Арачиново кој во новата сезона не знае за пораз и игра во одлична форма.
Домашниот терен и поддршката од публиката ќе биде предност за тимот на Детонит Плачковица да ја запре победничката серија на Шкендија Арачиново, а која во Радовиш ќе атакува на нови три бодови во обид доколку ги освои и да стане осамен лидер, ако конкурентите како Брегалница, Кожуф и Беласица направат кикс и не ги освојат трите бодови.
Детонит Плачковица има две победи над Големо Коњари и Слога Виница и два порази од Тетекс и Беласица, додека пак Шкендија Арачиново има три победи над Преспа, Охрид и Големо Коњари и реми со Скопје во Автокоманда.
Пред почеток на овој натпревар тимот на Детонит Плачковица е на седмата позиција со шест бодови, а пак Шкендија Арачиново со десет бодови е израмнета на врвот од табелата.
Натпреварот се игра во сабота со почеток од 15:30 часот.
Александар Ванев, М-Нет