Вечерва православните верници го одбележуваат денот пред Успението на Пресвета Богородица – Голема Богородица, еден од големите христијански празници. Во црквите и манастирите се одржуваат вечерни богослужби и молитви, со кои верниците духовно се подготвуваат за празничниот ден.
Во пресрет на празникот, во Ново Село, Штип, се одвиваат подготовките за утрешното одбележување. За присутните ќе биде подготвена традиционална посна манастирска манџа, како дел од заедничката трпеза по повод празникот.
Денешниот ден е и последен ден од Богородичниот пост, кој трае две недели и завршува со празникот Успение на Пресвета Богородица. За православните верници, постот претставува период на молитва, воздржување и духовна подготовка.
Утре, на 28 август, верниците ќе се соберат на празнична богослужба, ќе запалат свеќи и ќе упатат молитви за здравје, мир и благосостојба. Празникот традиционално се одбележува со почитување на верата и старите обичаи.
По богослужбата, присутните ќе имаат можност да се соберат на заедничка трпеза. Подготвената храна ќе биде посна, согласно со празничната традиција и завршувањето на постот.
Голема Богородица во православната традиција е ден исполнет со молитва и благодарност, а празнувањето продолжува со собирање на верниците и негување на обичаите што со години се пренесуваат од поколение на поколение.
Eва Тушевска, М-Нет