Критичните категории граѓани со можност да се пријават за бесплатна вакцина против сезонски грип. Обезбедени се доволни количини вакцини, а вакцинацијата ќе се врши на приземје на пункт во Здравствениот дом „Панче Караѓозов“ Штип. Надлежните апелираат граѓаните навреме да бидат на местото за вакцинација со цел да не се создава непотребна гужва.
„Министерството за здравство има обезбедено 80 илјади бесплатни вакцини. Овие вакцини се наменети за различни катергории на население и тоа за лица постари од 65 години, лица со хронични заболувања, бремени жени, лица од 6 месеци до 5 години и сите здравствени работници. На територија на Општина Штип, Центарот за јавно здравје ќе врши вакцинација на пункт лоциран во самиот Здравен дом, на приземје и ќе работи секој работен ден од 8 до 14 часот.“ – вели Горгиев.
Вакцинирањето треба да започе во втората половина од овој месец. Од Центарот за јавно здравје Штип посочуваат дека вакцините се ефикасни и безбедни за граѓаните и спречуваат комликации со грип.
„Се очекува вакцинирањето да започне во втората половина од месец октомври. Станува збор за четиривалентна вакцина од производител оод Холандија. Вакцината е безбедна и ефикасна мерка за заштита и превенција од потешки форми на грип од комликации и смртни исходи“ – вели Живккова.
Освен бесплатните вакцини кои се обезбедени од Министерството за здравство ќе има и 100 комерцијани вакцини, чија цена ќе биде дополнително дефинирана, а може да се вакцинираат сите заинтересирани граѓани.
Лаура Стојанова Ќирчов, М-Нет