Катастрофата е кај СДС, партија која за меѓународен секретар има човек кој не ги разбира меѓународните работи и несуден амбасадор, Андреј Жерновски, реагираат од ВМРО-ДПМНЕ на обвинувања на Андреј Жерновски од СДСМ.
„Човек кој сака да се занимава со меѓународни работи, а нема елементарни познавања, како што на пример не знае што означува акронимот НАТО. Жерновски е човек кој има партиска титула меѓународен секретар, а не знае што се случува ниту во Европа ниту во светот. Уште ја споменува Лаура Ковеши, а не знае дека Европското јавно обвинителство веќе има нов главен обвинител. Такви кадри бира СДС во своето раководство на високи позиции, како Жерновски кој не знае кој е главен обвинител на Европското јавно обвинителство, а не запрел од себе фалење дека е голем капацитет и дека има што уште да понуди на македонската политичка сцена“, велат од партијата.
А во однос на годишниот Извештај на ЕК за Македонија, кој денес ќе биде предаден на претседателот на Владата, додаваат од ВМРО-ДПМНЕ, јасно стои дека постигнат е значителен напредок во клучни области, дека зголемена е подготвеноста за членство во ЕУ и нотирани се позитивни оценки за Реформската агенда.
„СДС и Жерновски може колку сакаат да гледаат со друга диоптрија, но реалноста е дека Македонија се реформира и напредува и тоа го гледа и вреднува и Европската Унија“, велат од ВМРО-ДПМНЕ.
Текстот ВМРО-ДПМНЕ: Жерновски е човек кој има партиска титула меѓународен секретар, а не знае што се случува ниту во Европа ниту во светот е превземен од МАКФАКС.