Брегалница освои бод на гостувањето кај Силекс, откако попладнево во Кратово двете екипи одиграа возбудлив натпревар кој заврши без победник, 2:2.

Домаќините први дојдоа до предност уште во седмата минута, кога Благој Хаџи-Кимов несреќно ја затресе сопствената мрежа за водство на Силекс од 1:0. Со тој резултат заврши и првото полувреме.

Брегалница, сепак, многу подобро го отвори вториот дел. Во 49. минута Мартин Стојанов погоди за израмнување на 1:1, а во 67. минута следуваше целосен пресврт. Лоренцо Маско ја погоди мрежата на кратовци и донесе водство од 1:2 за штипскиот состав.

Кога се чинеше дека Брегалница е на пат кон голема гостинска победа, Силекс успеа да се врати. Во 82. минута Александар Мишов беше прецизен за 2:2 и го постави конечниот резултат.

До крајот немаше нова промена на семафорот, па двете екипи мораа да се задоволат со по еден бод.

За Брегалница ова беше натпревар во кој покажа карактер и успеа да се врати по негативата од првото полувреме, но на крајот не ја сочува предноста стекната во вториот дел.