Досега вакцинирани 19.500 граѓани, пријавени 49.530 за вакцинација против сезонски грип, соопшти денес министерот за здравство Азир Алиу. Оваа година министерството набави 80.000 вакцини, а дополнително се очекува и пристигнување на комерцијални вакцини. Алиу нагласи дека вакцините ќе бидат достапни и за лицата кои не спаѓаат во ризичните групи, почнувајќи од следната недела. Министерот уверува вакцинацијата е важна, со цел да се спречи ширењето на сезонскиот грип и заштити населението, особено во зимските месеци.
,,На ниво на државата веќе имаме 49 530 пријавени граѓани кои што сакаат да се вакцинираат. До вчера на ниво на државата се 19 500 веќе вакцинирани. Трендот на подобрување за заштита од сезонскиот грип , секоја година се подобрува што е позитивно и ние ќе продолжиме како министерство да работиме во насока на подобрување на превенцијата на граѓаните од сезонскиот грип. Оваа година набавивме рекордно 80 000 вакцини. Од наредната недела ќе има дополнително комерцијални вакцини за луѓето кои што не спаѓаат во тие групи на ризични пациенти.“, рече Алиу
Вакцинацијата против сезонскиот грип е особено важна за најранливите категории на граѓани. Министерството за здравство апелира овие групи навремено да се пријават и заштитат во пресрет на зимскиот период.
Сакам да се информирам до сите граѓаните кои што спагаат над 65 години исто така, граѓаните бреемни жени и мали деца до 5 години и стари лица во старечи домови можат да се пријават со цел да се превенираат од сеонцкиот грип.“, додаде Алиу
Министерството за здравство ги повикува сите граѓани, особено ризичните категории, да ја искористат можноста за бесплатна вакцинација и навремено да се заштитат. Превенцијата останува клучен чекор во зачувување на јавното здравје во пресрет на зимската сезона.
Иван Митев, М-Нет