Младите штипски одбојкари десетина дена минуваат на подготовки во прекрасниот амбиент на истокот на Македонија во Пехчево. Новата пролетна сезона во Супер машката одбојкарска лига е на прагот и според зборовите на секретарот на клубот Методи Папаров неопходни се идеални услови за потполна спремност пред тешките пролетни искушенија.
Тимот на УГД Штип во Пехчево ја има на располагање и спортската сала за одвивање на тренинг под раководство на тренерот Ване Санев и на помошникот Љупче Зенделов. Како што е познато штипските одбојкари обезбедија пласман во 1/4 финалето на одбојкарскиот куп на Македонија и денес требаше да се одигра првиот меч со екипата на Вардар.
Поради подготовките во Пехчево куп натпреварот е одложен и се прават комбинации тој да се одигра во сабота. Имено во сабота постои можност да се одиграат две средби, најпрвин првенствениот натпревар со Дибра волеј а веднаш потоа и куп натпреватрот со Вардар. Но сето ова засега е како алтернатива а за точниот термин дополнително ќе информираме. Колку за потсетување штипскиот одбојкарски супер лигаш во пролетниот дел ќе разигрува за пласман од 5 до 10 место на табелата.