Штедат ли штипјани финансиски средства? По повод Светскиот ден на штедењето, 31 октомври, на терен ги прашавме граѓаните дали успеваат да заштедат дел од своите месечни приходи и дали на крајот од месецот им остануваат пари настрана. Анкетираните граѓани истакнаа дека со внимателно и одговорно управување со личните финансии може да се заштеди дел од приходите.
Дел од штипјани велат дека се откажале од одморите и одредени задоволства за да заштедат пари, додека други, пак, сметаат дека со правилно планирање на семејниот буџет и контролирање на трошоците може да се создаде солидна заштеда.
Секоја година, Светскиот ден на штедењето се одбележува со низа кампањи и активности со цел да се подигне свеста за важноста на штедењето и одговорното управување со личните финансии. Штедењето е важен чекор кон подобра иднина, финансиска стабилност и поголемо чувство на сигурност.
Ева Тушевска, М-Нет