Штипјанката Билјана Донева запиша уште едно значајно планинарско достигнување, успешно искачувајќи го Grossglockner, највисокиот врв во Австрија, висок импресивни 3.798 метри.
Донева до врвот стигна на 6 септември во 11 часот, во предизвик кој бараше сериозна физичка и психичка подготвеност. Grossglockner не е само висински предизвик – во одредени сегменти има и алпинистички карактер, па искачувањето бара издржливост, добра техника и максимална концентрација.
Со успешно совладаниот врв, Билјана Донева продолжува да ги поместува сопствените граници и да го носи Штип високо – овојпат на 3.798 метри надморска височина, на највисоката точка во Австрија.
Уште еден голем успех за штипјанката која покажува дека со упорност, храброст и посветеност, највисоките врвови се достижни.
