Јован Јованов и Елвир Мекиќ ќе бидат дел од музичката програма на годинашното издание на „Штипска Пастрмалијада“. На 19 септември, на Градскиот стадион во Штип, тие ќе одржат заеднички концерт.
Јованов и Мекиќ се автори и изведувачи кои оставија препознатлив белег на македонската музичка сцена, а штипската публика ќе има можност да ги слушне хитовите со кои одбележаа еден период од домашната музичка сцена.
Со нивното најавување, музичката програма за „Штипска Пастрмалијада 2026“ станува уште побогата. Покрај Јован Јованов и Елвир Мекиќ, веќе е најавен и настапот на регионалната музичка ѕвезда Жељко Јоксимовиќ.
Првото големо музичко име најавено за годинашното издание на „Штипска Пастрмалијада“ е токму Жељко Јоксимовиќ.
Од Општина Штип најавуваат вечер исполнета со добро познати рефрени, силна музичка енергија и одлична атмосфера.
Со нивното приклучување кон веќе најавените изведувачи, постепено се комплетира музичката програма за „Штипска Пастрмалијада 2026“, која и годинава треба да донесе голем број посетители во градот.
Иван Митев, М-Нет