На денешната прес конференција на ОО СДСМ Штип, претседателот Павел Иванов истакна здравствениот систем во Клиничка болница Штип е пред распад и е во целосен колапс, додека пацинтите се оставени на милост и немилост. Иванов тврди дека болницата чии услуги ги користат над 200.000 граѓани од целиот источен регион денес функционира без основни дијагностички апарати.
„Здравствениот систем во Клиничка болница Штип е пред распад и е во целосен колапс, а пацинтите се оставени на милост и немилост. Болницата чии услуги ги користат над 200.000 граѓани од целиот источен регион денес функционира без основни дијагностички апарати. Мамографскиот апарат е надвор од употреба, а сега нефункционален е и рентген апаратот. Ова значи дека пациентите од целиот регион се препраќаат по други градови за основни здравствени услуги, а потоа повторно се враќаат во Штип за читање на резултатите. Ова е класично изживување врз пациентите. Дополнително, во Центар за јавно здравје Штип се прекинати или ограничени основните лабораториски анализи. Прашањето е , како во 21ви век граѓаните да останат без основни здравствени услуги? Одговорноста за оваа катастрофална состојба има име и презиме. Оправдување за ваков начин на менаџирање нема. Денес, таму нема ниту камен поместено, ниту шајка заковано. Наместо нова болница, добивме целосно распаднат здравствен систем.“- Павел Иванов, ОО СДСМ Штип
Иванов додава дека и покрај најавите за изградба на нова болница, досега нема никаква реализација на терен, а здравствениот систем во Штип, според него, е оставен во целосен распад.
Според Иванов, граѓаните од источниот регион не смеат да останат без основни здравствени услуги и достоинствен третман.
Дајана Сандева, М-Нет