Ракометната јавност во Македонија обединето застана зад успехот на РК Охрид, откако тимот обезбеди историски пласман во финалето на ЕХФ Европски куп. Меѓу првите што упатија честитки беше и РК Вардар, испраќајќи силна порака за единство и поддршка.
Од таборот на Вардар потенцираат дека самиот пласман во европско финале претставува потврда за квалитетот, посветеноста и вербата што ја гради охридскиот состав, нагласувајќи дека ваквите успеси се гордост за целата ракометна заедница во земјата.
„Кога македонски клуб испишува европска приказна, тоа е успех што заслужува аплауз“, порачуваат од Вардар, посакувајќи му на Охрид многу среќа во финалниот натпревар, достоинствен настап и нов голем момент за македонскиот спорт.