На хоризонтот на спортски Штип нова ренесанса на младинските школи во кои во главна улога се фудбалските фанатици од славното Ново Село. Веќе е формирана нова фудбалска школа под името „Кежовица Јуниор кидс“ за дечиња родени од 2009 – 2015 година. За овие најмали возрасни категории ќе бидат опфатени најразлични природни форми на движење, игри и спортски вештини под будното око на тренерскиот квартет составен од искусните, проверени и докажани тренерски имиња : Венцо Зафиров, Марјан Николов, Гоше Николов и Александар Берков.
Фудбалската школа ќе работи во идеални теренски услови на стадионот на Кежовица кои благодарејќи на вредниот фудбалски работник и фанатик Зоран Саздов – Шилец е во одлична кондиција со сите неопходни инфраструктурни елементи и фудбалски реквизити. Сите оние млади дечиња кои ја милуваат фудбалската игра и кои саакат да ги осетат фудбалските благодети можат да се пријават, капиите на школата им се ширум отворени и тренерите со нетрпение ги очекуваат,подготвени за фудбалската работа.
Драги Герасимов – Пушка Mnet.mk