Фудбалска федерација на Македонија ги објави службените лица за четвртфиналните натпревари од Купот на Македонија, кои ќе се одиграат на 24 и 25 февруари, додека последниот дуел е закажан за средината на март.
На 24 февруари со почеток од 14:00 часот, на тренинг-центарот на ФФМ во Скопје ќе се сретнат ФК Вардар и ГФК Охрид Лихнидос. Главен судија на оваа пресметка ќе биде Димитар Пилешков од Штип, а ќе му помагаат Александар Ѓурковски од Куманово и Мартин Дејаноски од Скопје. Во улога на четврти судија е Стојанче Стојанов од Штип. ВАР-судија е Влатко Илиоски од Прилеп, АВАР ќе биде Борис Трајков од Прилеп, додека оператор за повторување на снимката е Деан Стефков од Скопје. Делегат на натпреварот е Сулејман Ибиши од Тетово, а контролор Бранко Манојлоски од Берово.
Во истиот термин во Куманово, на стадионот „Башкими“, силите ќе ги одмерат ЗФК Шкендија Арачиново 77 и ФК Работнички. Правдата ќе ја дели Александар Грујоски од Кичево, со асистенција на Куштрим Лика и Зоран Јанкуловски, исто така од Кичево. Четврти судија е Марјан Стојановски од Кичево. Во ВАР-собата ќе бидат Никола Костенчев и Дарко Видиниќ од Скопје, а оператор за повторување на снимка е Петар Мукоски од Скопје. Делегат е Зоран Златановски од Куманово, додека контролор на судењето е Дејан Неделкоски од Скопје.
Ден подоцна, на 25 февруари од 14:00 часот, на стадионот „Силекс“ во Кратово ќе се соочат ФК Детонит Плачковица и ФК Силекс. Главен арбитер ќе биде Александар Урошевиќ од Тетово, а негови помошници се Александар Ѓорѓески од Тетово и Имран Абази од Ново Село (Тетово). Четврти судија е Ндерим Тефику од Куманово. ВАР-судија е Доне Ристовски од Гевгелија, АВАР Тоше Ицев од Кавадарци, а оператор за повторување на снимка Жарко Пејковски од Скопје. Делегат е Славчо Ѓорѓијоски од Прилеп, а контролор Делчо Јакимовски од Скопје.
Последниот четвртфинален дуел е закажан за 18 март, кога ќе се сретнат ФК Струга-Трим-Лум и ФК Шкендија.
Со оглед на значењето на оваа фаза од Купот на Македонија, се очекуваат возбудливи пресметки и максимална ангажираност од сите службени лица, кои ќе имаат клучна улога во обезбедувањето регуларност и фер-плеј на патот кон полуфиналето.