Високите цени ги вратија купувачите со празни торби накај дома, денес од пазарот во Штип, граѓаните купуваа многу скромно само најосновното. Поминуваа покрај секоја тезга и со отворена уста заминуваа. Само морков, зелка, компири и јаболка, колку да се издржи до другиот петок. Велат почеток на месецот, но крајот им се чини долг, мора да се штеди, бидејќи доагаат убави празници.
Дека побарувачка е слаба, согласни и продавачите. Според нив, пари се има, но нема кој да купи. Младите во странство, старите купуваат килограм до две.
Инаку, овој петок се продаваше и јапонското јаболко, мандарината, како и домашни чаеви од планина. Се бараше во мали количини и домашна зимница, од производители на кои што им веруваат.
Иван Митев, М-Нет