Прв сезонски пораз за кошаркарките на Соколи од Штип кој го загубија дербито во Скопје од екипата на Бутел со резултат од 77:71. Дербито на двете екипи кои претендираа влез во Суперлигата му припадна на скопскиот тим, а кое дерби беше од 4. коло на Првата кошаркарска лига.
Овче Поле од Свети Николе доживеа тежок дебакл во Струмица каде загуби од екипата на Струмица ФМП со убедливи 101:66, додека пак Борец Баскет со 55:83 беше подобар од Струмица Ролинг, а во рамки на групата Б слободна беше екипата на Спортсимо Баскет.
Во однос на табелата Струмица ФМП е прва со осум бодови, Соколи е втор со седум бодови, Бутел е трет со шест бодови, Овче Поле е четврти со пет бодови, четири бода има Борец Баскет кој е петти, а по три бода имаат Струмица Ролинг и Спортисимо Баскет.
Во однос на натпреварите од групата А екипата на Охрид го доби езерското дерби со Црн Дрим со резултат од 81:74, а пак Вардар со 76:69 беше подобар од Мега Баскет. Тимот на Тетекс ТТК го декласираше Младинец со 95:64, а пак Водно Санс беше слободен.
Вардар е прв со максимални осум бодови, Мега Баскет и Охрид го делат второто место со по седум бодови, а пак Црн Дрим и Тетекс го делат четвртото место со по четири бодови, а на дното се Водно Санс и Младинец со по три бода.
Александар Ванев, М-Нет