Континуирано расте интересот за вакцинација против сезонски грип, информираат од Миниситерството за здравство. Како што истакнуваат од таму
досега се пријавени над 70 илјади граѓани, а вакцинирани се повеќе од 22 илјади лица низ државата.
„Вакцинацијата се спроведува на 35 вакцинални пункта, од кои пет се во Скопје. Сите заинтересирани граѓани можат да се пријават преку апликацијата vakcinacija.mk или преку својот матичен лекар.
Со бесплатната вакцинација се опфатени ризичните категории население, меѓу кои: лица над 65 години, лица со хронични заболувања, здравствени работници, бремени жени, деца од 6 месеци до 5 години, лица сместени во установи за социјална заштита на стари лица и вработените во овие установи.“ – потсетуваат од здравство.
Во организација на Министерството, превентивни тимови од здравствени установи низ државата продолжуваат со теренска вакцинација и во домашни услови за повозрасни и неподвижни лица, како и за лица со попреченост.
Вакцинацијата продолжува непречено да се одвива и на пункт во Здравствениот дом Панче Караѓозов во Штип. Најголем интерес за вакцинирање има кај повозрасните лица, оние над 65 години. Велат дека се вакцинираат секоја година бидејќи вакциниата ги заштитува од грип.
Лаура Стојанова Ќирчов, М-Нет