Наместо правична распределба на парите на граѓаните, има само злоупотреба на институциите, истакнаа денес од ОО СДСМ Штип. Претседателот на организацијата Павел Иванов истакна:
По кои критериуми се делат додатоци на плата од 10%? Дали единствениот услов за добивање на додаток е членската книшка на ВМРО-ДПМНЕ? Наместо правична распределба на парите на граѓаните , гледаме класичен партиски клиентелизам – злоупотреба на институциите и буџетот за партиски цели.
Ова не е наградување на трудот – ова е поткуп, со пари на граѓаните. Ова е типичен пример за злоупотреба на институциите за партиски цели. Граѓаните ќе го препознаат ова расипништво и ќе одговорат на избори.
Претседателот на оваа општинска организација, останува дециден дека граѓаните ќе го препознаат целово ова и соодветно ќе одговорат на локалните избори.
Иван Митев, М-Нет