Младиот талент Љупчо Коштанов освои златен медал на Европскиот кикбокс куп „Grand Prix“ во Сараево, Босна и Херцеговина во категорија помал кадет, дисциплина кик лајт -37 килограми.
Коштанов во полуфиналето го доби Бекташ Емир од Босна и Херцеговина и така обезбеди финале, додека пак во големото финале штипјанецот го совлада Јован Лаловиќ од Босна и Херцеговина со што го освои златниот медал.
Голем успех за 11-годишниот Коштанов, кој со одлична работа со тренерите Шенол Асанов и Викторија Варадинова се закити со златен медал, што ќе биде голем мотив во иднина да продолжи кон уште поголеми успеси.
Инаку, Коштанов е член на кикбокс клубот „Гладијатор Фајт“ од Штип.
Александар Ванев, М-Нет