Македонскиот тенисер Горазд Србљак го заврши настапот на ИТФ турнирот во Куршумлијска Бања, откако при водство на противникот Стефано Д’Агостино од Италија од 1-0 во сетови и 3:2 во гемови во вториот сет го предаде мечот.
Италијанецот на стартот од мечот направи брејк за водство од 1:0, а Србљак успеа да врати и да изедначи, а потоа да поведе со 2:1. Сепак на крај Италијанецот овој сет го заврши со 6:4 во гемови.
Во вториот сет при водство од 3:2 во гемови за Стефано Д’Агостино, македонскиот тенисер го предаде мечот.
Србљак оваа недела направи скок од 36 позиции и сега се наоѓа на 1119-то место на АТП листата со 10 поени, додека Италијанецот во моментот е на 1004-то место.
Александар Ванев, М-Нет