Овој викенд се одиграа натпреварите од 18. коло од Втората кошаркарска лига на Македонија.
Екипата на Соколи од Штип на гостувањето во Тетово забележа голема победа од 92:105 над „фенерџијата“ Тетекс.
Лидерот Куманово пресилен за Мега Баскет со 94:40, Работнички 2018 дома загуби од Водно Санс со 66:84, Ангели беше сигурен во дуелот со МЗТ Скопје Уни Банка откако славеше со 68:58, а пак Шкупи го доби дербито со Маџари со 87:80.
Екипата на Борец Баскет беше слободна во оваа коло.
Лидер на табелата е Куманово со 34 бодови, Шкупи е втор со 29 бодови, колку што има и Маџари кој е трет.
На 4. место е Ангели со 28 бодови, МЗТ Скопје Уни Банка е петти со 26 бодови, Борец Баскет е шести со 23 бодови, штипски Соколи е на седмо место со 22 бодови колку што има и Водно Санс.
На 9. место е Мега Баскет со 21 бод, Работнички 2018 е претпоследен со 19 бодови, а на дното е Тетекс со 17 бодови.
Александар Ванев, М-Нет