Денес со воведниот меч од 19. коло беше отворена пролетната полусезона во Првата македонска фудбалска лига.
Засилениот Гостивар дојде само до бод против ремонтираниот Вардар откако девете екипи одиграа 1:1.
Двата погодоци паднаа во финишот од мечот, откако најпрво Ненад Мишковски постигна гол во 85. минута за водство на вардарци од 0:1, а во судиското надополнување Петар Слишковиќ постигна гол за конечни 1:1.
Колото ќе се комплетира утре со останатите пет натпревари. Во Штип се игра големото дерби меѓу Брегалница и Тиквеш, Македонија ЃП ќе биде домаќин на Шкендија. Работнички ќе го пречека шампионот Струга, Шкупи ќе се соочи со Воска Спорт, а пак Силекс ќе биде домаќин на Брера Струмица.
Александар Ванев, М-Нет