По повод одбележување на Светскиот ден на планините 11 Декември, во недела ќе се одржи акција насловена како „Плачковица 2023“. Планинари, љубители на планината и природата може да бидат дел од насатанот кој ќе се реализра на планината Плачковица. Во склоп на овој ден се одебележува и јубилеј 90 години од првата планинаска активност во Македонија.
„Оваа година освен јубилејот одбележување на 11 декември – Денот на планината, Федерацијата на планинарски спортови одбележува и 75 години од нејзиното формирање и 90 години од одржувањето на првата планинарска активност во Македонија. “ – вели Читкушев.
Домаќини на овогодинешната манифестација е Друштвото за планинарски спортови Лисец Штип. Претседателот вели дека интезивните подготовки се во тек, се очекуваат над 200 гости од Македонија и странство, а ги повикува и сите љубители на природата и планинари од целиот Балкан да бидат дел од акцијата во недела.
„ние сме во интезивна организација, скоро секој ден сме со собири и состаноци и се во организацијата е веќе како што треба. Очекуваме голем број на посетители, планинари и рекреативци од цела Македонија дури има најави за гости од Србија и Бугарија“ – додава Санев.
Настанот е закажан за в недела на 10.12.2023 во 08.00 часот од местото викано ,,Билборди,, до врвовите Туртел и Црквиште, а потоа и заедничка забава со доделувања на признанија и награди во планинарскиот дом Вртешка.
Лаура Стојанова М-Нет