Утревечер во Штип ќе се одржи шестото издание на интернационалниот хорски фестивал „Астибо фест 2023“. Пет хора ќе земат учество на фестивалот кој на едно место ќе ги собере љубителите на музиката и ќе им овозможи уживање на присутните.
„На 16 септември годинава имаме чест да гоотвориме шестото издание на Интернационален хорски фестивал на камерни хорови „Астибо фест 2023“. Годинава ќе учествуваат пет хорови“ – кажа Ѓурѓевиќ Јанков.
Свеченото отворање е во 19:30 часот пред Дом на култура „Ацо Шопов“ Штип, картата е бесплатна, па организаторите ги повикаа граѓаните да присуствуваат на фестивалот и да уживаат. Истовремено упатија благодарност и до спонзорите. Фестивалот е поддржан и од страна на Министерството за култура.
„Фестивалот е од ревијален карактер, користам прилика да им се заблагодарам на сите спонзори. Свеченото отворање започнува утре во 19:30 часот.“- додаде Шуманска.
Интернационалниот хорски фестивал „Астибофест 2023“ утревечер со почеток од 19:30 часот во живо ќе се прикажува и на програмата на М-Нет телевизија.
Лаура Стојанова М-Нет