Нов петок, нови повиски цени на производите на пазарот во Штип. Производство се помалку, да работи нема кој, а цените се се повисоки. Раздвиженоста денеска беше задоволителна, ама и проидавачите се свесни дека цените на производите се високи за стандардот на граѓаните.
„Производството да ви кажам право е се помало и помало. Нема кој да работе, сите млади бегат, останаа стари како нас. После три години ќе нема производство. Цените се високи спрема стандардо на граѓаните.“ – велат продавачите.
Скап велат купувачите е и денешниот пазар во Штип. Колку и да се реални цените на пропизводите споредбено со се останато за нивните примања се високи и далеку од реални.
„Пазарот е многу добар, има се ама цените се високи. Аманиски се пензиите“ – велат купувачите.
Пиперот и овој пазар беше еден од најбараните производи, заедно со производите за зимница и сезонското овошје.
Лаура Стојанова М-Нет