Синоќа беа одиграни нови три натпревари од групата фаза на турнирот во мал фудбал „Петровден“ во Мешеишта, каде телевизија М Нет е медиумски покровител на овој спортски настан.
Првиот натпревар започна во стандарниот термин во 20:30 часот, гледачите уживаа во убедливата победа на Волино, кој со 0:3 ја доби Слатино во големото дерби.
Еден час подоцна Брумел со минимални 1:0 го доби дуелот со БЗ Група Ложани, а пак во последниот натпревар од 22:30, гледачите уживаа во пет одлични погодоци, во фудбалска мајсторија, во големата неизвесноста и борба за трите бодови, на крај Вис Пој со 3:2 славеше голема победа над Гостилница кај Мече.
Вечерва следуваат нови три натпревари. Од 20:30 часот Бомбаши ќе игра против БЗ Груп Враништа, еден час подоцна Алуминиумски огради Охрид Струга ќе се соочи со Еко Шпар, а пак во последниот меч од 22:30 часот Камионски делови Бос ќе игра со екипата на Шумско Галичица.
