Поради репрезентативните квалификациски средби на македонската селекција фудбалските прволигаши наместо во недела натпреварите од 9 коло ќе ги одиграат утре,сабота. Екипата на Брегалница ќе биде домакин на тимот на Струга Трим Лум и за овој меч веќе се делегирани и официјалните лица. Главен судија ќе биде Игор Стојчевски, прв помошник ќе биде Гоце Петрески, втор Даниел Василевски а четврти судија ќе биде Дејан Младеновски сите од Скопје. За Контролор е делегиран Зоран Петровски од Велес а Делегат ќе биде Иван Путилин од Скопје. Еве ги комплетните парови за ова 9 коло:
- Брегалница – Струга ТЛ
- Македонија ЃП – Ренова
- Пелистер – Тиквеш
- Шкупи – Работнички
- Скопје – А. Пандев
- Шкендија – Борец
Интересно во ова 9 коло штипска судиска четворка ќе го суди натпреварот во Скопје, Македонија ЃП – Ренова во кој како главен судија ќе биде Крумислав Ѓоргиев, помошници ќе му бидат Ристо Ѓоргиев и Кристијан Џонов а чевтрти судија ќе биде Стојанче Стојанов.
Сите натпревари ќе се одиграат во сабота 2 октомври 2021 г. со почеток во 15.00 часот.
Драги Герасимов – Пушка Mnet.mk