По цели 35 години конечно завршена реконструкцијата на санитарните јазли во СОУ „Јане Сандански“ во Општина Штип. Со ова се обезбедува подобар престој на учениците, но и на наставниот кадар во ова училиште, а како што истакна првиот човек на Градот под Исарот, Сашко Николов ветеното се реалзира.
„Како што ветивме, така и реализираме согласно програмите на средното општинско училиште „Јане Сандански“ – Штип и општина Штип, завршивме со реконструкција на санитарните јазли. Оваа инвестиција изнесува некаде околу 2.400.000 денари, средства обезбедени од Општина Штип. Исто така набавена е и опрема за потребите на смерот Фармација од висина од 265 000 денари, а во тек е реконструкија на кабинетот за практична настава по фармацевски и хемиски предмети. Вредноста на оваа реконструкција е некаде околу 1 500 000 денари. Ја користам оваа можност да ги најавам следните активности за ова училиште: реконструкција на кабинет за забни техничари, за кој општината ке издвои 1 400 000 денари и целосна реконструкција на училишниот двор, за што се планирани 2 000 000 денари, исто така средства обезбедени од Општина Штип. Јас како градоначалник и локалната самоуправа и понатаму ќе продолжиме да работиме посветено, со цел подигање на нивото на образовниот пороцес, условите во училиштата и сосдавање на соодветен квалитетен кадар кој што ќе може ителектуално и академски да го надградува функционирањето на нашата Општина.“- истакна Николов.
Крајот на реконструкцијата на санитарните јазли во средното училиште Јане Сандански се од големо значење и за директорката Маја Гичева, но поголемо задоволство за неа е најавената реконструкцијата на кабинетот по фармација.
Во оваа учебна година во СОУ „Јане Сандански“ во Штип има 818 ученици поделени во четири профили во седум паралелки, а за упис од 14 јуни слободни се 834 места.
Учениците во ова средно училиште засега следат онлајн настава, освен праксата која се одвива со физичко присуство.
Лаура Стојанова М-Нет