Започна пријавувањето за бесплатна вакцинација против сезонски грип. Ранливите категории граѓани може да се пријават на веб страна за вакцинација при што добиваат повратно кој ден треба да се појават на вакцина и во колку часот. Министерството за здравство набави 70 илјади дози вакцини кои се достапни за граѓаните, а целта е да се заштитат од сезонскиот грип прстојниот период.
„Со цел заштита од сезонскиот грип, Министерството за здравство набави 70 илјади дози на четиритипна вакцина против грип за бесплатна имунизација на ризичните групи, и тоа лица над 65 години, хронично болни, здравствени работници, бремени жени и деца на возраст од шест месеци до пет години. Секој граѓанин кој е заинтересиран да биде имунизиран против сезонски грип на веб страната може да се пријави и ќе добие повратно смс порака во која ќе бидат наведени денот и часот кога треба да дојде и да биде вакциниран против сезонски грип“ – вели Живкова.
Во штипскиот центар за јавно здравје има околу две илјад дози вакцини за сезонски грип. Од таму апелираат ранливите категории граѓани да се пријават за вакцинација со цел да се заштитат.
„Во Центарот за јавно здравје Штип доставени се околу 2000 дози наменети за сите заинтересирани граѓани. Граѓаните можат да се пријават и во центарот за јавно здравје.“ – додава Живкова.
Потсетуваме дека вакцинацијата против сезонски грип е најефикасна мерка за превенција, која спречува појава на потешки форми на грип, компликации и смртен исход особено кај ризичните групи – велат од Министерството.
Лаура Стојанова М-Нет