Фудбалската федерација на Македонија преку соопштение информираше дека сите заинтересирани футсал клубови кои ги исполнуваат условите согласно Статутот, Правилникот за натпреварување и останатите прописи на ФФМ, да поднесат пријава за учество во Втората футсал лига на Македонија за натпреварувачката сезона 2026/2027.
Пријавите со комплетната документација потребно е да се достават во архивата на Фудбалската федерација на Македонија, во рокот утврден со одлука на Комисијата за футсал, 1. август 2026 година. По истекот на предвидениот рок ќе биде познато кои екипи ќе настапуваат во Втората футсал лига на Македонија за следната сезона 2026/2027.
Минатата сезона во Втората футсал лига шампион стана Железарец кој направи експресен кам-бек во елитата, а пак СЕЕ Университи од Тетово заврши како втор и исто така обезбеди враќање во елитата.
Од Првата лига испаднаа Балкан и Мал Ајакс од Штип кои ќе играат во второлигашката конкуренција.
Александар Ванев, М-Нет