Раководството на прволигашот Пелистер преку соопштение информираше дека сите средства собрани од продажбата на билетите од натпреварот против Вардар ќе бидат донирани на семејствата на трагично загинатите и повредените во дискотеката во Кочани.
Цената на билетот изнесува 200 денари, а клубот преку соопштението ги повика сите наивачи, симпатизери и љубителите на фудбалот да учествуваат во оваа хуманитарна акција.
Натпреварот меѓу Пелистер и Вардар се игра следната сабота односно на 29. март на стадионот „Петар Милошевски“ во Битола, а истиот ќе започне во 15 часот.
„Вечното дерби“ е во рамки на 25. коло на ПМФЛ, а каде Вардар ќе бара три бодови во битката за опстанок, а пак Пелистер кој е сигурен во средишниот дел сака нова победа.
Александар Ванев, М-Нет