Последниот пазар пред Велигден за штипјани скап. Според старо непишано парвило, пред празник цената на производите поскапа. Тоа се докажа и пред големиот христијански празник Велигден. Денеска градскиот пазар беше доста посетен, граѓаните купуваа намирници кои им се потребни за големиот христијански празник, но сите согласни дека цените драстично скокнале. Овошје и зеленчук се нудеше на повеќе места, изгледот примамлив, но не и цените.
На градскиот пазар во Штип, доматот достигна цена до 100 денари по килограм, краставицата 80, благиот пипер 120. Зелката се нудеше за 50 денари по килограм, а тиквичките 10 денари парче. Граѓаните и покрај тоа што цените се скапи, излегоа да ги задоволат своите потреби.
Лаура Стојанова М-Нет