Жителите од село Чардалкија, штипско конечно се приклучува на градскиот водоводен систем. Со тоа околу 70 домаќинства од ова село, кои претходно имаа техничка вода, сега добиваат чиста и здрава вода за пиење. Градоначалникот на Општина Штип, Николов посочувајќи дека и овие жители се дел од Општина Штип истакна дека го радува фактотот што конечно ке се поврзат на градскиот водоводен систем.
„Околу 70 домаќинства ќе добијат чиста и здрава вода за пиење, а исто така се создадени услови за приклучување на деловните објекти кои се сместени во индустриските зони во населба „Македонка“ и населба „Балканска“ – истакна Николов
На водоводниот систем се приклучени и жителите од населба „Македонка“ како и „Балканска“. Со ова и овие приградски населби ќе имаат чиста вода за пиење.
За овој значаен проект Општина Штип и ЈП„Исар“ инвестираа некаде околу 360 илјади евра. Како значајна капитална инвестиција на ЈП„Исар“ се очекува воспоставување на водовод и канализација во населба „Железничка“, а до крајот на месец август предвидено е приклучување на хидросистемот Злетовица со што ќе се добиваат допочнителни 300 литри вода во секунда.
Лаура Стојанова М-Нет