,,Роб на спомени“ е новата авторска песна на музичарот Саше Ѓорѓиев од Кочани – дело што ја раскажува љубовта како најголема човечка сила. Создадена со посветеност и емоција, оваа песна е резултат на едномесечна работа во неговото студио, каде секој стих и секоја нота се раѓаа од инспирацијата на еден измислен лик – принцот што живее во спомените, а оживува низ музиката.
Ѓорѓиев е автор на текстот, мелодијата и целосната музичка продукција, а преку „Роб на спомени“ испраќа порака дека љубовта е она што нè прави среќни, исполнети и живи.
Наскоро ќе биде промовиран и видеоспот за песната, а она што следува – неговиот прв ЦД-албум со 10 нови песни, под наслов „Мислам на тебе“, кој веќе е во подготовка.
За Саше Ѓорѓиев, ова не е само музика – ова е приказна, емоција и начин на живот. А „Роб на спомени“ е само првиот чекор кон еден музички свет изграден со љубов.
Иван Митев, М-Нет